Gweithdrefn Camymddygiad

Cwmpas

Diffinnir camymddygiad fel unrhyw weithgarwch bwriadol, esgeulustod, diffyg neu ymarfer arall sy’n niweidio cywirdeb y broses asesu, a/neu ddilysrwydd tystysgrifau. Gall camymddygiad gynnwys amrediad o faterion – o fethiant i gadw cofnodion neu systemau priodol, i ffugio cofnodion yn fwriadol er mwyn hawlio tystysgrifau. Gall methiant i ddelio ag unrhyw faterion a nodir fod yn gamymddygiad ynddo’i hun.

Y grwpiau y mae angen eu cynnwys

Rhaid i’r weithdrefn ar gyfer ymchwilio i achosion o Gamymddygiad a amheuir gynnwys y grwpiau canlynol mewn Canolfan Gydnabyddedig:

• camymddygiad dysgwr
• camymddygiad staff canolfan

Yr egwyddorion

Yr egwyddor sylfaenol mewn ymchwiliadau yw eu cynnal mewn modd teg, rhesymol a chyfreithiol, gan sicrhau bod yr holl dystiolaeth berthnasol yn cael ystyriaeth ddiduedd.

Cynhelir y broses ymchwilio gydag ystyriaeth i’r canlynol:

• cyfrinachedd
• cadw a storio tystiolaeth
• casgliadau a gyrhaeddir a chamau cywiro i’w cymryd.

Cysylltiadau defnyddiol

Polisi Camymddygiad
Polisi Asesu Teg
Polisi Ymholiadau, Apeliadau a Chwynion