Cynnig darpariaeth Agored Cymru

Os hoffech gael gwybod mwy am weithio gydag Agored Cymru, llenwch ffurflen ymholiad cychwynnol, sydd i’w chael ar y wefan yma. Bydd angen i chi gofrestru ar wefan Agored Cymru cyn y gallwch fynd at y ffurflen ymholiadau ar-lein. Os byddai’n well gennych gael sgwrs anffurfiol cyn llenwi’r ffurflen, ffoniwch 02920 747866 neu 01248 670011 a gofynnwch am aelod o’r tîm Datblygu Busnes.

Mae’r ffurflen hon yn caniatau i ni gasglu’r wybodaeth angenrheidiol er mwyn sefydlu a yw gweithio gydag Agored Cymru yn addas i’ch sefydliad chi. Mae’r ffurflen yn cael ei llenwi a’i chyflwyno ar-lein.  Bydd angen gwybodaeth am y canlynol arnoch i lenwi’r ffurflen:

• person cyswllt y ganolfan
• gwybodaeth am y ganolfan ee math o sefydliad, statws cyfreithiol ayyb
• y math o ddarpariaeth rydych yn ymgeisio amdani, ee grwp targed, nifer y dysgwyr a ragwelir, meysydd pwnc, cyllid
• adnoddau
• unrhyw drefniadau sicrhau ansawdd presennol
• trefniadau partneriaeth

Gallwch fynd at y ffurflen ar ôl cwblhau proses gofrestru syml.  Ar ôl cyflwyno’r ffurflen ymholiad cychwynnol, bydd aelod o’r tîm Datblygu Busnes yn cysylltu â chi i drafod y cais.