Ffurfiau Asesu

Dylai Asesu fod:

• Yn agored a thryloyw;
• Yn barhaus, ac nid rhywbeth munud olaf ar ddiwedd cwrs;
• Yn ddibynadwy a thrylwyr;
• Yn berthnasol i’r grwp targed;
• Yn ddigonol i ddarparu digon o dystiolaeth i fodloni’r Maen Prawf Asesu.

Dylai’r dulliau asesu a ddewisir fod yn berthnasol, gan adlewyrchu anghenion y grwp.  Mae’n arfer da i sicrhau bod gan ddysgwyr gopïau o’r Canlyniadau Dysgu a’r Meini Prawf Asesu fel eu bod yn ymwybodol o’r disgwyliadau. Gall hyn gynnwys egluro sut y gall dysgwyr gyflawni ar wahanol lefelau.

Dylai unrhyw strategaeth asesu gynnwys amrywiaeth o ddulliau asesu sy’n briodol i’r grwp targed, e.e.

• Arsylwi gweithgareddau sy’n digwydd yn naturiol, ee chwarae rôl, efelychiadau, gweithgareddau ymarferol, perfformiad, arddangosiad ayyb.

• Trafodaethau, yn amrywio o sgyrsiau anffurfiol strwythuredig i drafodaethau dan arweiniad.

• Cynhyrchu arteffactau, lluniadau ayyb.

• Tasgau strwythuredig, ee prosiect, traethawd, astudiaeth achos, aseiniad.

• Arholiad/prawf.

• Dyddiadur/dyddlyfr/llyfr log.

Diffiniadau Asesu NOCN

Diffiniadau Asesu Lefel 4 ac Uwch

Asesu Anffurfiol / Ffurfiol

Mae asesu anffurfiol yn barhaus, integredig a hyblyg. Mae’n amrywiol, a gall fod yn asesu gan y tiwtor neu’r dysgwr – gall gynnwys unrhyw rai o’r canlynol:

Asesu Ffurfiol - mae’n strwythuredig, fel arfer yn digwydd dan amodau a nodwyd yn glir, ac fe’i defnyddir fel rheol ar gyfer asesu crynodol, ee amser penodol i roi cyflwyniad neu ymgymryd â thasg ymarferol

Dylai asesu o fewn darpariaeth Agored Cymru olygu:

• Defnyddio meini prawf asesu yn drylwyr, ar y lefelau priodol, ee Mynediad, Lefel Un, Lefel Dau, neu Lefel 3.

• Proses safoni i sicrhau cysondeb ar draws: ddiddordebau; safleoedd ac unedau er mwyn bodloni safonau.

Dylai asesu bob amser fod:

• Yn wreiddiol

• dilys/digonol

• Dibynadwy a chyson

• Addas i’r diben

• Cynhwysol

Dilysrwydd Tystiolaeth

Rhaid i bob ymarfer asesu fod â phrosesau wedi’u sefydlu i sicrhau mai gwaith y myfyrwyr eu hunain yw’r dystiolaeth i’w hasesu. Polisi llên-ladrad http://www.agored.org.uk/getfile.aspx?fileid=355)

Dylai tiwtoriaid a Dilyswyr Mewnol fod yn ymwybodol bob amser o’r angen i gadarnhau dilysrwydd gwaith dysgwyr.  Mae hyn wedi dod yn gynyddol bwysig gyda dyfodiad a’r defnydd cynyddol o Dechnoleg Gwybodaeth megis Prosesu Geiriau, y Rhyngrwyd, Mewnrwydi a CD, sydd wedi cyfrannu i’r risg o lên-ladrad a chopïo.

Er ei bod bron yn amhosibl cael gwared â phob cyfle ar gyfer llên-ladran a chopïo, mae modd cymryd camau i leihau’r risg i hynny ddigwydd:

• Dylai fod gan bob canolfan ddatganiad llên-ladrad a dylai pob dysgwr fod yn ymwybodol o’r polisi a’r oblygiadau

• Dylid cynnwys datganiad yn cadarnhau dilysrwydd y gwaith yn ffeil neu bortffolio’r dysgwr, yn enwedig ar gyfer Technoleg Gwybodaeth

• Dylai pob ymarfer Technoleg Gwybodaeth printiedig fod wedi’i lofnodi gan y dysgwr.  Dylai’r tiwtor hefyd lofnodi os gall gadarnhau mai gwaith y dysgwr ei hun ydyw.

• Dylid cadw copi drafft o waith lle bynnag y bo modd.  Ar wahân i nodi dilysrwydd, dylid annog yr arfer hon am ei bod yn dystiolaeth o ddatblygu a chynllunio darn mwy o waith neu draethawd.

• Dylid ymchwilio os yw gwaith dysgwr, neu adrannau o fewn darn o waith yn wahanol iawn o ran lefel, tôn neu eirfa i enghreifftiau eraill o waith blaenorol.  Lle bo’n briodol, dylid cyflwyno dysgwyr yn gynnar i system dderbyniol o gyfeirio, fel y gellir cyfeirio’n briodol at ffynonellau allanol

• Yn achos asesu llafar (ee cyrsiau iaith ymddiddanol) dylai’r tiwtor gadw unrhyw dapiau sain, a rhoi cadarnhad i’r Dilysydd Mewnol ynghylch pwy yw’r dysgwr neu’r dysgwyr dan sylw.

• Dylai’r tiwtor gadarnhau bod arteffact wedi’i gynhyrchu gan ddysgwr penodol 

Dilysrwydd Tystiolaeth

Dylai strategaethau asesu gyfateb yn glir i’r meini prawf asesu.  Dylai fod cysylltiad agos rhwng y dulliau asesu a’r canlyniadau dysgu:

ee, os mai’r maen prawf asesu yw ‘Arddangos sut i ddefnyddio ysgolion yn ddiogel’ yna NI fyddai traethawd yn disgrifio sut i ddefnyddio ysgolion yn ddiogel yn ddull asesu dilys, ond byddai asesiad ymarferol yn ddilys

Digonolrwydd / Addasrwydd i’r diben

Rhaid i’r strategaeth asesu fod yn briodol a pherthnasol i’r grwp targed o ddysgwyr a chyd-destun y dysgu.  Rhaid i’r asesu fod yn briodol i’r gwerth credyd, hy byddai traethawd 2000 o eiriau yn ormodol ar gyfer uned Lefel 1 gyda 3 chredyd.  (gweler diffiniadau asesu NOCN).  Os yw maen prawf asesu yn nodi nifer benodol, ee pobi 3 cacen, dylai fod tystiolaeth i ddangos bod hyn wedi’i gyflawni.