Dogfennu Asesiad

Rhaid mapio tystiolaeth o gyrhaeddiad yn erbyn canlyniadau dysgu/meini prawf asesu penodol.  Ni ellir dyfarnu credydau i ddysgwyr ar raglenni Agored Cymru am gwblhau rhan o uned.  Cyflwynir y dystiolaeth hon i’r Dilysydd OCN i gadarnhau Dyfarnu Credyd i’r dysgwr/grwp o ddysgwyr.

Mae’r canlynol yn enghreifftiau o ffurfiau derbyniol o dystiolaeth sy’n hawdd eu croes-gyfeirio i feini prawf asesu o fewn unedau:

Mae’r canlynol yn ffurfiau o dystiolaeth sy’n dderbyniol y gall fod angen / y bydd angen cael rhestri gwirio/datganiadau tyst wedi’u llofnodi gan diwtor ar eu cyfer er mwyn sicrhau bod digon o dystiolaeth ar gael fel y gall y Dilysydd gadarnhau bod dysgwyr unigol wedi cymryd rhan yn y gweithgaredd a chyflawni’r maen prawf asesu:

Dylai dysgwyr sy’n cymryd rhan yn y mathau hyn o weithgarwch yn rhan o’r broses asesu gael eu hannog i gadw unrhyw nodiadau/cynlluniau paratoi ayyb a fydd yn gwneud y penderfyniadau asesu yn fwy dibynadwy a thryloyw.  Dylai tystiolaeth BOB AMSER fod wedi’i chroes-gyfeirio’n glir i feini prawf asesu perthnasol.

Dylai tystiolaeth ar dâp neu fideo gynnwys cyflwyniad yn nodi’r uned a’r canlyniadau dysgu / meini prawf asesu y darperir tystiolaeth ar eu cyfer.  Dylid nodi’r tiwtor a’r dysgwyr unigol wrth eu henwau.

Wrth ymdrin â thystiolaeth lafar mae’n hanfodol bod tiwtoriaid yn cadw cofnod parhaus o gyrhaeddiad pob dysgwr yn y grwp.  Os bydd cofnodion asesu / cyrhaeddiad unigol yn mynd ar goll, dyma fydd yr unig brawf o gyrhaeddiad.  Dylai dilyswyr mewnol samplo’r math yma o dystiolaeth trwy fynychu’r asesiad.

Mae’n bwysig i Diwtoriaid/cyd-gysylltwyr cwrs gofio y gellir addasu asesiadau gan gymryd anghenion y dysgwyr unigol i ystyriaeth, ee gellir rhoi disgrifiadau yn llafar os yw dysgwyr yn cael trafferth i roi gwaith i lawr ar bapur.  Gall fod yn fuddiol siarad â’r Dilysydd Mewnol neu Allanol ynghylch addasu dulliau asesu ar gyfer anghenion dysgwyr.  (Polisi Mynediad at Asesu Teg )